Grønlandsbanki ukiorpassuarni Kalaallit Nunaata kulturikkut illorsuanut Katuamut aningaasaliisarpoq. Taamatut taperneqarnermigut Katuaq Nuummi sinerissamilu kulturimut tunngasunik amerlanerusunik aaqqissuussisarpoq. Bankip kulturimut tunngasunik tapersiinerata takutippaa inuussutissarsiornerup eqqumiitsuliornerullu akornanni ataqatigiinneq pingaarutilik.
Kulturikkut sulianut tapersiisarnitsigut Kalaallit Nunaannut iluaqutaarusuppugut, taakkulu ataatsimoornermik isumassarsiornermillu siuarsaassapput.