Qinnuteqaatinik nalilersuigaangatta ima imminut aperisarpugut:
- Tapiinermi kikkut iluaquserneqassappat?
- Bankip tapiinera qanoq isumaqarpa?
- Suliniutip qanoq ililluni saqquminerulersissinnaavaatigut?
Inunnut ataasiakkaanut, politikkikkut anguniakkanut, atuartut angalanerinut imaluunniit upperisarsiornermut tunngasunik tapiineq ajorpugut. Taamaattorli suliniutersi Kalaallit Nunaannut iluaqutaassappat, taava peqataarusussaagut – ataatsimoorluta siunissaq pitsaanerusoq pilersissinnaavarput.
Qinnuteqaatit tamarmik allakkatigut pissapput nassuiaatitaqassappullu ukuninnga:
Kikkuuisi?
Suna pillugu qinnuteqarpisi?
Aningaasartuutissatut missingiut: Aningaasat qanoq amerlatigisut qinnutigaasigit, bankimillu aningaasaliissutit immikkut qanoq atorniarpisigit?
Bankip aningaasaliineratigut kikkut iluaquserneqassappat?
Grønlandsbanken-ip aningaasaliisuunermigut qanoq nittarsaanneqassava?
Grønlandsbanken-ip saniatigut allanut qinnuteqarpisi imaluunniit allanit taperneqarpisi?
Adresse
Aningaasalerneqarnissamut qinnuteqaatit najukkanni immikkoortortaqarfinnut imaluunniit Attaveqatigiinnermut nittarsaanermullu immikkoortumut banken@banken.gl aqqutigalugu imaluunniit uunga adressemut:
GrønlandsBANKEN
Attaveqatigiinneq & Nittarsaaneq
Postboks 1033
Imaneq 33
3900 Nuuk
Qaqugu akineqarnissat naatsorsuutigisinnaaviuk?
Ukiup ingerlanerani sisamariarluta qinnuteqaatinik nalilersuisarpugut: februaarip naanerani, maajip naanerani, aggustip naanerani novembarillu naanerani.