Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.
24. februaarip 2016
Tallimanngorneq 4 marts GrønlandsBANKEN-inip matuni ammassavai assilialiorluni eqqumiitsuliortartup Marie Panínguak’ Kjærulff-ip qalipagaanik saqqummersitsinissamut nutaamut.
Tamanna pissaaq ammaanersiornissami nal. 16.00, Imaneq 33, Nuummi, tassani aningaaserivik sutugassanik sassaalliuteqassaaq. Ammaanersiornissaq tamanut ammavoq Marialu ilassineqarsinnaassaaq, aggissagami qalipakkanilu nassuiaassuteqarfigissallugit.
Saqqummersitani takusinnaassavatit akrylimik qalipakkat qalipaasiutinik silittukullannik sukkasuumik tagiartukkat, ukiut ingerlanerini Mariap eqqumiitsuliortutut ilisarnaatigilersimasai.
- Saqqummersitani ukunani qalipakkat tamarluinnaasa nuannareqaakka. Piffissamut suliarineqarnermik nalaannut tamarmik immikkut uannik eqqaasitsisuummata, maannali toqqorsivinniit angerlarsimaffiga qimallugu Nuummiunut eqqumiitsulianik soqutigisalinnut qalipaatinik siammarterisuulissapput, Maria qilanaaqisoq oqaluttuarpoq.
Saqqummersitsineq 4 martsimiit majip qiteqqunnissaata tungaanut ingerlanneqassaaq.
Tilbage
