GrønlandsBANKEN | Imaneq 33 | Postboks 1033 | 3900 Nuuk | Telefon + 299 70 1234 | banken@banken.gl | SWIFT: GRENGLGX | CVR: 80050410
Maannakkut GrønlandsBANKEN-i Finanstilsynet-mit tikeraartoqarpoq. Nalunaarsusiat uani takukkit Nittartakkamut malittarisassat paasissutissalluatuakkit.
Navianartunik nappaateqalernissamut sillimmasiineq
Taamatut sillimmasersimaguit nappaammik perulunnartumik eqqugaariataassagaluaruit 164.000 koruuninik tunineqassaatit akileraaruteqanngitsut. Nappaat assersuutigalgu kræftiusinnaavoq, qaratsakkut aanaartoorneq imaluunniit nappaatit allat inuunermut navianarsinnaasut.
Aningaasat taakku allatut katsorsartinnissamut atorsinnaassavatit, imaluunniit nunani allani katsorsartissaguit aapparisat tapersersortiginiarlugu ilagerusussagukku aningaasartuutissassinnut atorsinnaassavasi. Aamma illit sulisinnaanngikkallarninni imaluunniit katsorsartinnerpit nalaani aapparpit sulinngikkallarnermini aningaasarsiorunnaarallarnerani atorneqarsinnaapput.
Siunnersortigisat attavigiuk qanorlu periarfissaqarnerit pillugu pituttorsimaffiunngitsumik oqaloqatigalugu.
Inuunermut sillimmasiineq
Toqoriataassaguit ilaquttavit aningaasatigut artukkerneqannginnissaat inuunermut sillimmasiineq aqqutigalugu qulakkeersinnaavat. Sillimmasiineq taamaattoq iluaqutaassaaq assersuutigalugu ilaqqutavit maannakkut inigisassinni najugaqaannarsinnaanissaannut, taavalu aliasunnermik saniatigut aningaasatigut artukkigaanissaannik pinngitsoortitsisinnaalluni.
Inuussutissarsiorsinnaajunnaarneq
Inuussutissarsiorsinnaajunnaarnissamut sillimmasersimagaanni nappaateqaleraluaraanniluunniit, ajutooraanni sulisinnaajunnaaraanniluunniit aalajangersimasunik aningaasatigut pissarsiassaqartuarnissaq qulakkeerneqarsinnaavoq. Sillimmasersissimanerli taanna atorlugu aningaasanik pissarsiaqarsinnaalissagaanni kommunimiit siusinaartumik soraarnerussutisiaqalersinnaasutut akuerineqarsimasariaqarpoq. Aamma taamaattumik sillimmasersinnaassagaanni piumasaqaatigineqarpoq, massakkut ukiumut isertitarisartakkatit sulisitsisup soraarnerussutisiaqalernissannut akiliutigisartagai ilanngullugit ikinnerpaamik 450.000 koruuniussasut.
