Ineqarneq pillugu ilitsersuut

Initaarnissamut aningaasalersuinissaq amerlasuunik periarfissaqarpoq, aaqqiissutillu ilinnut aningaasaqarninnullu tulluuttut pillugit paasisaqarnissannut GrønlandsBANKENip ikiorsinnaavaatit.

Kalaallit Nunaanni Namminersorlutik Oqartussat, Attaveqarnermut Avatangiisinullu Naalakkersuisoqarfik, quppersakkanik paasinartunik arlalinnik naqitertitsisimavoq, pisortat aningaasaleeriaasii assigiinngitsut pillugit nassuiaatitalinnik. Quppersakkanut attavissat ammukartumik talerpiatungaaniittumi nassaarisinnaavatit.

Illuliortarnernut aningaasalersuisarneq pillugu taarsigassarsineq
Nutaamik illuliornissaq kissaatigaajuk, taava illuliornernut aningaasalersuinissaq pillugu kommunimut qinnuteqarsinnaavutit. Illuliassat nutaat sanaartorneqarnissaannut aningaasartuutaasussat katinneri tunngavigalugit taarsigassartitsisoqassaaq.

Piginneqatigiilluni inissiaq, nutaamik sanatitsineq
5 %-inik nammineq siulequtsiineq, 50 %-inik kommunimit, sinneruttut 45 %-it taarsigassarsisitsisarfimmit taarsigaassarsiarineqassapput. Piginneqatigiilluni inissianut taarsigassarsineq Kalaallit Nunaanni aningaasalersuinermi periarfissaq pisoqaanersaraat, ukiullu arlallit ingerlanerini Kalaallit Nunaanni inissianik amerlasuunik pitsaasunillu sanaartornernut iluaqutaasimalluni. Andelsbolig pillugu annertunerusumik paasisaqarit.

Attartortumit piginnittuunermut
Inissiami pisortat pigisaanni attartortitami najugaqaruit, inissiallu pisiarinissaanut periarfissaqaruit, aaqqiissut ”attartortuunermit piginnittuunermut” ilinnut tulluutissaaq. Aaqqiissut taanna Kalaallit Nunaanni inissiaqarnerup iluani atorneqaleraluttuinnarpoq. Attartortumiit piginnittumut annertunerusumik paasisaqarit.

Illumik pisineq inissianut aningaasalersuinissamut taarsigassarsiat
Inissiaq pisortat aningaasalersueriaasiinut ilaanngitsoq pisiariniarukku GrønlandsBANKENip aamma ikiorsinnaavaatit. Nykredit-ip suleqatigineratigut taarsigassarsisitsisarfimmit taarsigassarsititsinikkut 80 % angullugu inissiap akilerinissaanut taarsigassarsisitsineq periarfissaqarpoq. Aningaasaliissutissat sinneri nammineq siulequtsiinikkut kiisalu initaarnissamut taarsigassarsitsinikkut pissarsiarineqassapput. Realkredit atorlugu illusineq illoqarfinni ukunani kisimi pisinnaavoq: Nuuk, Sisimiut, Ilulissat aamma Qaqortoq.

Aningaaserivimmi siunnersortit attaveqarfigiuk, taava peqatigiilluta aaqqiissuteqassaagut.

» Inatsisit sammisamut
» Attartortumik piginnittuunermut
» Piginneqatigiiluni inissiat

70 1234

Nassaarisigut


Illoqarfiup sulisulluunniit aqqanik ujaasigit.

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9:30 - 15.00

;