Flot start på året i GrønlandsBANKEN
27. apriilip 2017

Naatsorsuutit: Taarsigassarsisitsinerit isertitallu kvartalimi siullermi qaffariarput

Grønlandsbanken-ip 2016-imi ingerlalluarnini nangippaa taamalilluni 2017-ip kvartaliani siullermi 2016-imut sanilliullugu qaffariaatit malunnarluartut takutissinnaallugit akileraartinnani 38,2 mio. koruuniusut 2016-imi 21,5 mio. koruuniusimasut.  

Pappialat nalillit iluini nalit nalimmassarneri pitsanngoriaatit 10,4 mio. kr.-t pissarsiarineqarput, nalitigullu nalimmassaanerit aammalu nalikilliliinerit pitinnagit angusat 2016-imut sanilliullugit 6,1 mio. kr.-nik qaffariarsimallutik 38,1 mio. kr.-ulerlutik.  2016-imi taarsigassiinerit qaffannerisa kingorna 2017-imi ineriartorneq ingerlaqqissimavoq 122,1 mio. kr.-t anguneqarsimallutik. Taamak ilineratigut kvartal-imi siullermi angusat katillutik 3,2 mia. kr.-ulersimapput, tassa aatsaat taamatut qaffasitsigilerlutik.

-” Naammagisimaaqaarput 2016-imi ingerlalluarsimaneq ingerlatiinnarsinnaagatsigu. Maluginiarpara, sullissatta suli amerliartuinnarnerat, soorlu tamanna taarsigassarsisitsinerit 122,1 mio. kr.-nik qaffannerisigut takuneqarsinnaasoq. Siusinnerusukkut oqarnikuuvugut, piarersimalluta Kalaallit Nunaanni amerlanerusunik taarsigassarsisitsinissamut – tamannalu iluatsilluarneqarsimasutut oqaatigisariaqarpoq”, aningaaseriviup pisortaa Martin Kviesgaard oqarpoq .

GrønlandsBANKENip tamakkiisumik aningaasartuutai naleerutsitsinerit ilanngukkaanni nikinngingajassimapput 40,6 mio. kr.-ullutik 2016-imi 39,3 mio. kr.-usimallutik. Taarsigassarsiarititat qularnaveeqqusiissussinerillu iluini nalikilliliinerit appasissumiittuarsinnarput ukioq manna 3,9 mio. kr.-ullutik 2016-imi kvartalimi siullermi 4,1 mio. kr.-usimallutik.  

-” Ukioq manna annertujaamik aningaasaliiffigisussaavagut ilinniartitsineq it-qarnerlu. Isumaqarpugullu taamatut iliornissat ukiup tulliani periarfissanik nutaanik ammaassasut. Eqikkaalluni oqartoqartariaqarpoq piffissaq aningaaserivimmut ulapinnartuusimasoq, aammalu iluarisimaarnarlunilu soqutiginartuusimasoq”, Martin Kviesgaard nangilluni oqarpoq.

Tamakkiisumik isigalugu aningaaserivimmi pisortap kvartali siulleq naammagisimaarpaa, tassami ingerlatsineq 2016-imi ingerlalluarnermit nangitsinerummat: 

-” Angusat naammaginarluinnarput. Tunngaviusumik ingerlatsinerput naammaginarluinnartumiittuarsinnarpoq nalikilliliinnerillu appasissumiittuarsinnarlutik. Tamakku takutippaat aningaaserivik unammillersinnassuseqarluarluni ingerlasoq aammalu Kalaallit Nunaanni pisoqarluartoq”, Martin Kviesgaard erseqqissaavoq.

Ukioq pissanganatorpassuarnik pisoqarfiussaaq

2017-imi aningaaserivik ukiunik 50-inngortorsiorluni nalliuttorsiortussaavoq, tamannalu aningaaseriviup iluani avataanilu ukiup ingrlanerani malunnartinniarneqartarumaarpoq. Kiisalu aningaaservik soraarnermusiassanut neqeroorummik saqqummiussinikuuvoq, malunnartumik sullissanit soqutigineqarlualereersumik.  

-”Soraarnermusiaqalerrnissamut aaqqissuussaq nutaaq Qimatut Pension, siunissami isumalluarfigaarput. Kalaallit Nunaat Tamakkerlugu Tamanut Aningaaseriviusutut sullissagut maannangaaq neqerooruteqarfigilereerpagut aaqqissuussamik 100%-imik Kalaallit Nunaanniittumik, taamak iliornikkut piareersimaffigalugu 2018-imiit kikkut tamat soraarnermusiassaminnik isumannaarinninnissaanik piumasarineqartoq peqataaffigissallugu piareersimaffigilereerlugu”, aningaaserivimmi pisortaq naggasiilluni oqarpoq.  

Grønlandsbanken-ip nalinik nalimmassaanerit nalikilliliinnerillu pitinnagit ukiumi 125-145 mio. kr.-nik angusaqarnis


Tilbage

» Uani Naatsorsuutit

» Nutaarsiassat allat uani takukkit

70 1234

Nassaarisigut


Illoqarfiup sulisulluunniit aqqanik ujaasigit.

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9:30 - 15.00

;