Nunanut allanut nuussineq browser atorlugu pissaaq, GrønlandsBANKEN-ip mobilbank app-ia atorlugu nunanut allanut nuussisoqarsinnaanngilaq.

Sukkasuumik nuussineq atorlugu nunamut allamut nuussinermi (naatsorsuinermit ulloq 1), Kalaallit Nunaata nalunaaqutaa malillugu kingusinnerpaamik nal. 10.45 nuussisoqassaaq. Aningaasat nalinginnaasumik tigusisussap tigussavai ulluinnaq tulliuttoq. Akia 1 ‰ min. 400 kr.

Nalinginnaasumik nuussilluni nunamut allamut nuussiniaraanni (naatsorsuinermit ullut 2-3), aningaasat nalinginnaasumik tigusisussap tigussavai ullormit nuussiffiusumit ullut 2-3 qaangiuppata. Akia 50 kr.

1. MitID atorlugu netbankimut iserit.
2. Saamerlermi tuugassaq ’Akiliinerit aamma nuussinerit’ tooruk taavalu ’nunamut allamut nuussineq’ tooruk.