GrønlandsBANKEN-ip juullimi tunissutigisagai 25.000 kr.-iusut ukioq manna Najortimut tunniunneqarput. Ukiut pingajussaat GrønlansBANKEN-ip Facebookimi malinnaasuni peqataatippai. Aningaaseriviup sulisuinit toqqarneqartunik peqatigiiffinnik pingasunik toqqaanissamut periarfissinneqarput, matumanilu Najorti tunniussivigineqassasoq aalajangerneqarpoq.
Assimi takuneqarsinnaavoq GrønlandsBANKEN-ip aallartitaa atuisunut ikiorti Conni K. Lynge, maskotti Appa peqatigalugu Peqatigiiffik Kalaallit Meerartaat sinnerlugu tunissummik tigusisunut Najortimi ataqatigiissaarisoq Britta-Marie Nielsen aamma allattoqarfimmi pisortaq Nike Berthelsen-imut juullimi tunissuteqartut.

- Tunissuteqarneq aamma nunatsinniik taamak amerlatigisuniit qinerneqarnerput nuannaarutigaarput. Nunatsinnut meeqqat aamma inuusuttut amerlanerusut angunissai siunertaralugu aningaasat atussuagut. Maannakut sulissutigaarput ukiup tulliani Najorti nuna tamakkerlugu atuutilissasoq, taamaalillunilu aningaasat atorluarneqassapput, Peqatigiiffik Kalaallit Meerartaat-ni allattoqarfimmi pisortaq Nike Berthelsen oqarpoq.

Ukiut arfineq-pingajussaat, GrønlandsBANKEN-i siunertamut kusanartumut aningaasanik tunniussaqarpoq. Ukioq kingulleq Kalaallit Peqqissartut Illuat juullimi tunissutinik 25.000 kr.-inik tigusisuuvoq.

GrønlandsBANKEN-ip Peqatigiiffik Kalaallit Meerartai aaqqissugaat Najorti tunissut pillugu pilluaqqungaarpaat.