Nunannut allanut unammisartut VM-imut anngunnerat angusaq pingaartorujussuuvoq, pingaassusaalu aamma Kalaallit Nunaanni immikkut ataqatigiilersitsinermiippoq.

GrønlandsBANKEN assammik arsarluni nunanut allanut unammisartunut arnanut kiisalu Elite Sport Greenlandimut aningaasaliisuuvoq, taamaasillunilu Kalaallit Nunaat tamaat ataqatigiilersippaa.

”Inuiaqatigiinnut kiisalu illoqarfiit aamma kommunit akornanni ataqatigiittutut misigineq pingaaruteqarpoq, pisunut taama annertutigisunut katersuussinnaangatta, tamannalu GrønlandsBANKEN-ip pissusissamisoortumik tapersersorpaa.” Attaveqatigiinnermut nittarsaassinermullu pisortaq, Peter Fleischer Rex oqarpoq, nangillunilu ”VM-imut peqataaneq aningaasarpassuarnik piumasaqaateqarpoq, matumanilu suliffeqarfiit aalajangeeqataasuulluinnarput, iluatsinnissaanut kiisalu tamat nuannersumik misigisaqarnissaannut.”  

VM-imi peqataaneq ataatsimut anguniakkanut tapersersuinissamut kissaammik kiisalu nunagisamut tulluusimaarutiginninnermik pilersitsivoq. Kalaallit Nunaata angalanermi pissanganartumi nunanut allanut unammisartut peqatiginissai qilanaaraa.