Martsip 13-iani Young Money app-itaa nutartissaaq. Nutarterpat app nutaamik iluseqalissaaq, periarfissallu amerlissallutik. Siornatigutuulli atorneqarsinnaavoq – periarfissat amerliinarput.

Suli ikisisoqarsinnaavoq, nassinneqarluni aamma aningaasanik qinulluni. Kiisalu aamma suliakkiisoqarsinnaavoq, katersinissamut angusassanik allattuilluni aamma aningaasanik tunissutinik tunisilluni.

Nutaajuvorli app-i atuisup ukiuanut tulluarsartalissammat, atuisorlu ukiui aallaavigalugit periarfissat assigiinngitsuusussaallutik. Tamanna isumaqarpoq ass. arfineq marlunnik, 13-nik, 17-nik ukiulinnut naleqqussakkanik app-i periarfissaqalermat.