GrønlandsBANKEN-ip Kalaallit Nunaanni discgolfertarfik siulleq aningaasaliiffigaa

Aasianni Philip Jensen silaannarmiinnermi pingaarutilimmik nutaamik pilersitsivoq, Kalaallit Nunaanni discgolfertarfimmik siullerpaamik pilersitsinermigut. Suliniut tamanna sumiiffimmi timersuummik pissanganartumik tikiussiinnanngilaq, aammali inunnik allaanerusumik peqqinnarnerusumillu katersuutsitsinissamut periarfissamik immikkuullarilluinnartumik pilersitsivoq. Philip Jensen GrønlandsBANKEN-imik suleqateqarneq pillugu ima oqaaseqarpoq: ”

”GrønlandsBANKEN-imik suleqateqarneq isumaqarpoq, Kalaallit Nunaanni inuit amerlanerit discinik tunisinnaagigut, taamaasillutalu banemik atuisut amerlanerusinnaallutik. Tamanna Kalaallit Nunaata disc-golfimi nunarsuarmi pissartanngorniuunnernut peqataasinnaalernissaanut alloriarneruvoq, kiisalu nunarsuarmi anguniakkat pingajuannik, peqqinnermut atugarissaarnermullu tunngasumik eqqortitseqataalluni.”

Discgolf timersuutaavoq, eqqorluaanermik silamilu nuannisarnermik ataqatigiissitsisoq. Peqataasut discit plastikkiusut målinut sapinngisamik ikinnerpaariarlutik miloriuttarpaat, Aasiannilu bane kusanartumik unamminartumillu ilusilersorneqarnikuuvoq.

Aattaveqatigiinnermut nittarsaassinermullu pisortaq, Peter Fleischer Rex, timersuummi periarfissanik annertuunik takusaqarsinnaavoq.

”Banemik ammaaneq Aasianni innuttaasunut silamiinnerulernissamut silaannarissumiinnissamullu tunngavissiilluarpoq. Ataqatigiinnerup nukittorsarnissaanut kiisalu inooriaatsimik peqqinnartumik siuarsaanissamut periarfissaq pitsaasorujussuuvoq. Tamanna GrønlandsBANKEN-ip soorunami tapersersorpaa.”

Aasianni discgolfertarfik qularnanngitsumik inunnik kateritsitsissaaq, neriuppugullu Kalaallit Nunaanni suliniutinik assigusunik pilersitsisoqarnissaanut isumassarsititsiumaartoq.