Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.
GrønlandsBANKEN-ip Inuutissarsiornermut aningaasaateqarfia aningaasanik illikartitsinikuuvoq suliniutinut nutaanut minnerusunut aningaasaqarnerup iluani qaffassaaqataasinnaasunut nunatsinnilu suliffinnik nutaanik pilersitsisinnaasunut atugassanik.
Aallartitsiniartunut aningaasatigut tunuliaqutsiissut immikkut ilusiligaasumik taarsigassarsiarineqarsinnaasutut ilusiligaavoq. Tunniunneqarsinnaavorlu aallartitsiniartunut aningaasanik tunuliaquteqalernerulernermikkut suliffeqarfimminnik siuarsaaqqinnissaminnut piukkunnaateqartunut.
Taarsigassarsiat annertussusii ingerlanneqartumut/piginneqatigiiffimmut ataatsimut 100.000 koruuniniit 250.000 koruuniupput ukiullu 6-it tikillugit taarsersuilernissaq pilertinnagu ingerlasinnaatitaallutik. Taarsigassarsiaritinneqarsinnaasut GrønlandsBANKEN-ip Inuutissarsiornermut aningaasaateqarfianit aqunneqarlutillu akuersissutigineqarlutik tunniunneqartarput, qinnuteqanerilli pisassapput sumiiffigisami inuutissarsiornermut siunnersuisooqatigiit aqqutigalugit:
- Sermersooq Business Council
- Qeqqata Erhvervsråd
- Kommune Qeqertalik
- Avannaata Kommunia
- Kujalleq kommune
Piumasaqaatit
GrønlandsBANKEN-ip Inuutissarsiornermut aningaasaateqarfianit taarsigassarsiaq pissarsiarineqassappat suliffeqarfiit sumiiffimmi inuutissarsiornermut siunnersuisooqatigiit piumasaqaataat maleruaqqusaallu naapertorlugit inissisimassaaq. Soorlu assersuutigalugu inatsisit atuuttut malinneqassapput aammalu CVR normoqassalluni.
Tunisassiaq/tunisassiariniagaq nutaaliaassaaq, immikkuullarissuulluni, siunissaqarluni, avataanit pisiortornermut annikillisaataasinnaalluni avammulluunniit tunisassiassaqqissuulluni.
