GrønlandsBANKEN Kalaallit Nunaanni aningaaseriviuvoq tamakkiisumik sullissisoq, tamaaliornikkullu sullitat aningaaserivimmi sullinneqarnissamik siunnersorneqarnissamillu pisariaqartitaat isumagisarlugit.

Suleqatigisat pikkorissut arlallit suleqatigiinnissamik isumaqatigiissuteqarfiginerisigut aningaaseriviup aqqiissutit pitsaanerpaat neqeroorutigisinnaavai, makku iluisigut; homebanking, taarsigassarsitsisarneq, sillimmasiineq, akiligassanik isumaginninneq aamma aningaasalersuineq.

BEC

Aningaaserivinni nutaaliaasumik ingerlatsinermi IT-kut suleriaatsit pingaaruteqarluinnarput. Aningaaseriviup 1981-imili BEC suleqatigilersimavaa, Roskilde-mi Bankernes Edb Central. Aningaaseriviup IT-kut suleriaasianik inerisaanerit ingerlatsinerillu tamarmik BEC qanimut suleqatigalugu ingerlanneqarput.

Realkredit

Ukiut kingusinnerusut ingerlaneranni aningaaseriviup danskit taarsigassarsititsiniartarfii qanimut suleqqatigisimavai, pingaartumik Nykredit* aammalu DLR Kredit*, illuliornernut taarsigassarsinerit eqqarsaatiginerullugit.

Sillimmasiineq

Ukioq 2001-imi aningaaseriviup inuinnarnut sullitanut ajutoornermi sillimmasiinermik iluarsiisarneq pillugu Kalaallit Forsikring Agentur/IF* aaqqissuussamik suleqatigilerpaa.
Sillimmasiinerit taarsigassarsinermut tunnganerusut nærpension* aqqutigalugu isumaqatigiissutigineqarput.

Akiligassanut / Akiitsorsinnaanermut kortit

Akiligassanut akiitsorsinnaanermullu kortinut tunngatillugu aningaaseriviup MasterCard* aamma Visa* suleqatigiinnissannut isumaqatigiissuteqarfigai.

Akiliisarnernut sullissineq

Aningaaseriviup suleqatigivaa Nets*, Betalingsservice-itut aamma Dankorti-itut ilisimaneqarnerusioq. Kalaallit Nunaanni suleqatigiinnermut aamma ilaapput Dankortterminalit aqqutigalugit AKILIUT-kort atorlugu akiliisarnerit.

Namminersorlutik Oqartussanik sullissinissamik isumaqatigiissut naapertorlugu aningaaseriviup qulakkeerinneqataaffigaa Kalaallit Nunaanni sumiiffinni aningaaseriviup immikkoortortaqarfiginngisaani akiliisarnermik sullissineq Namminersorlutik Oqartussat kissaatigisaattut pilersinneqarnera.

Aningaasalersuisarfiit

Aningaaseriviup aningaasalersuisarfiit BankInvest* aamma Sparinvest* aningaasalersuisarnernut uppernarsaatit isumagineqarnerat pillugu suleqatigai. Aningaasalersuinermi uppernarsaatit aqqutigalugit ileqqaartarneq aningaaseriviup sullitaasa ukiut kingulliunerusut ingerlaneranni annertuumik atorneqaleraluttuinnarsimavoq.

Tamakku saniatigut aningaaseriviup makku suleqatigai:

Nasdaq OMX Nordic 
Finansrådet
Finanssektorens uddannelsescenter
Lokale pengeinstitutter
Arbejdernes Landsbank

GrønlandsBANKEN selskabinit ima nalunaaqutsikkanit * tuniniaanermi akiliiffigineqartarpoq: