Aningaasat qanoq amerlatigisut nerisassanut, atisanut, ineqarnermut, angalanermut feeriamulluunniit atortarpigit?

Netbankimi atuinermut malinnaassut atorlugu atuinerit sukumiisumik pilertortumillu takusinnaavat. 

Atuinermut nalunaarsuiffimmi aningaasartuutitit pingaarnernut agguataarlugit titartaganngorlugit takusinnaavatit:

• Illup iluani
• Ineqarnermut
• Sunngiffimmut nuannaarniarnermullu
• Angalanermut
• Aningaasartuutit aalaakaasut allat
• Aningaasartuutit allat
• Illuaqqamut

Atuinerit sukumiisumik malinnaaviguuk

Immikkoortut tamarmik agguataaqqitaapput illit ilaquttavillu aningaasaatisi sumut atorneqartarnerisi takuneqarsinnaanngorlugu. 

Toortaanimininnguit atorlugit assersuutigalugu takusinnaavat aningaasat qassit innaallagissamut, imermut, kiassarnermut imaluunniit neriniartarfimmiinnermut atorneqartarnersut.

Aningaasartuutit tupannartut pinngitsuukkit

Atuinermut malinnaassut atorlugu aningaasatigut tupannartuujunnartut pinngitsoorsinnaavatit Atuinermut nakkutilliissummik pilersitsinikkut.

Atuinermut nakkutiliissutip aningaasartuutinnik aqutsininni ikiussavaatit atuinerni assigiinngitsuni killiliinikkut.

Killiliussaq qanilligukku imaluunniit qaangerukku sms-imik imaluunniit emailimik nassitsissinnaavutit.

Ima aallartilluassaatit

”Kontot inissititernerillu” aqqutigalugu Atuinermut nalunaarsuiffik iserfigisinnaavat imaluunniit quppersagaq ”Atuineq” toorlugu iserfigisinnaallugu.

Quppernermi ”Atuineq” konto atuininnik takunniffigiumasat toqqarsinnaavat atuinermillu nakkutilliissumik (forbrugsagent) pilersitsillutit. Tassanissaaq aningaasartuutivit suuneri agguataarsinnaavatit.

Nalinginnaasumik aningaasartuutit tamarmik isumaminnik agguataarneqartarput. Aningaasartuutit suussusiat aalajangerneqarsinnaanngippat suussusii aalajangigaanngitsunut (”Kategoreeqanngilaq”) inissinneqassapput. Kaammattuutigissavarput aningaasartuutit suussusii aalajangerneqarsimanngitsut nammineerlutit immikkoortitissagitit. Taamaalillutit Atuinermik nalunaarsuiffik atorlugu aningaasativit sumut atorneri erseqqinnerusumik takusinnaalissavatit.

Aamma kontut ataatsikkut arfineq marluk tikillugit amerlassusillit takusinnaanngorsinnaavatit. Taamaaliorniaruit ”Kontot amerlanerusut toqqakkit” tooruk.