GrønlandsBANKEN Mastercard atorlugu nunarsuaq tamakkerlugu sumiiffinni 29 mio.-ni sinneqartuni pisiniarsinnaavutit. Nunatsinniinnaq Danmarkimiinnarlu pisiniarfissuarni, neriniartarfinni pisiniarfinni tuusintilikkaani korti atorsinnaavat soorunami aamma netikkut.

Mastercard Debit kortip iluaqutigaa, aningaasat kontonni uninngasut sinnerlugit atuisinnaannginnavit. Aningaasat ingerlaannartumik kontonnit ilanngaatigineqartassapput, taamaalillutit aningaasaqarnerit malinnaaffigiuarsinnaallugu.

Mastercard Kredit kort atorlugu ullut 42-t angullugit erniaqanngitsumik akiitsoqarsinnaavutit. 

Debit kortimut aamma Kredit kortimut ilaqutariinnut tamanut angalanermi sillimmasiissutit pitsaasut arlallit ilanngunneqarput (korti qanoq ittoq toqqarsimanerit apeqqutaalluni). Sillimaasiinermi katissimasaq/aapparisaq qitornallu 21-t inorlugit ukiullit angalaqataasut aamma matussuserneqartarput.

Taamattaaq neriniartarfiit, pisiniarfiit qarasaasiakkullu pisiniartarfiit arlallit isumaqatigiissuteqarfigineqarsimapput, Mastercard atorlugu akiliigaangavit akikilliliiffigineqartassallutit. Akikilliliissut imminut isumagisumik ilanngaatigineqartarpoq, kingorna Netbank-inni takusinnaasat.

Nunanut allanukassaguit Mastercard Visa/Dankortimut aamma nunat allat aningaasaannut tapertaalluarpoq.

Mastercard Guld-imut aamma Platinum-imut sillimmasiinermut uppernarsaat tuluttut oqaasertalik
Nunamut isissutissatut akuerineqaqqaarfissamut angalassaguit, soorlu Ruslandimut, sillimmasiinermut uppernarsaammik tuluttut oqaasertalimmik suliarinnitsitsinissat inassutigaarput. Taamaattumik aallarnissat sioqqulluarlugu siunnersuisartuit attaveqarfiginissaa pisariaqarpoq.

Nunani allani pisinermi nalunaarfigitinneq
Inatsit nutaaq pissutaalluni illit sullissatut bankip mark-up-iinut (tassa allat aningaasaannik pisinermi akiliutit akiliutillu allat) tunngasunik ilisimatinneqartassaatit. Tamanna pisassaaq danskit krone-rinngisaannik aningaasanik allanik atuillutit akiliiguit.

Danskit krone-rinngisaannik aningaasanik allanik atuillutit pisisimaguit, nammineerlutit akiliinikkut imaluunniit internetikkut pisinermi, allat aningaasaannik aningaasanngortitsinermi kursi akiliutaalu pillugit nalunaarfigineqartassaatit. Ullut 30-t tulliuttut nunat allat aningaasaat taakku atorlugit pisiguit nalunaarfigineqassanngilatit. Ullut 30-t qaangiutereersut piseqqissaguit ulluni 30-ni atuuttussamik nalunaarfigineqaqqissaatit.

Paasissutissat mobilinni nalunaarutitut pisassavatit. Mobilinnut nassinneqarsinnaanngikkuit Mobilbankinni imaluunniit Netbankinni nalunaarutisissaatit. Mobilbankeqarnallu Netbankeqanngikkuit SMS aqqutigalugu nalunaarutisissaatit.

Nalunaarfigineqarusunngikkuit Mobilbank imaluunniit Netbank aqqutigalugu nalunaarfigitinnissat taamaatissinnaavat. Tuugassaq Akiliut-mik allassimasoq aqqutigalugu taamaaliussaatit. 

Pisinissamut periarfissat
» Mastercard-imut atasumik sillimmasiissutinik pisinissamut periarfissat

Iluaqusiinermi takussutissat
» Kort til rabatter og fordele (qallunaatut)

Kortinut tamanut atuuttut:
» Allat aningaasaannut naatsorsornerata kursii Nunani allani akiliutinik atuinermi, allat aningaasaannut naatsorsornerata kursii uani takukkit
Bankip nalip aaliangersarnerani tapit. Mastercard-inut akiliutinut tamanut 1,67 %-iuvoq.

Ajutoorsimatilluni
» Ajoqusernermi sillimmasiisarfik attaveqarfigissavat ajutoornermilu nalunaarutiginninneq immersorlugu (qallunaatut)
SOS International: +45 7010 5050