Pappilissanik nalilinnik niueruteqarneq ulloq isukkarlugu GrønlandsBANKEN’ip malinnaaffigisarpaa.

Pisissaguit aningaasarpassuaateqartariaqanngilatit imaluunniit pappilissat nalillit pillugit ilisimasaqarujussuartariaqarnak. Pingaarnerusoq tassaavoq kissaatigisatit pillugit kiisalu eqqissillutit sinissaguit suut pisariaqartillugit oqaluttuukkutsigut.

• Aningaasalersuinermi uppernarsaatit
  
  Aningaasalersuinermi uppernarsaatit atorlugit aarlerinaatit pappilissanut amerlasuunut siammartissavatit – aamma ikittuinnannguanilluunniit aningaasaliisimaguit.
  
  

• Obligationit
  
  Obligationit aktiatinut naleqqiullutik iluanaarutaasarneri ikinnerupput. Akerlianik aarlerinaatit annikinnerupput iluanaarutigisarnerilu patajaatsuunerullutik.
  
  

• Aktiaatit
  
  Amerlanerusunik iluanaaruteqarusukkuit, ilutigitillugulu aarlerinaatit merserinngikkukkit aktiaatit ilinnut tulluassapput.

Ataatsimeeqatigerusulluta attaveqarfigitigut, taamaalilluta aningaasaliissutit sorliit ilinnut tulluarnerusut paasissavarput.

Pappilissat nalinginik niueruteqarneq ulloq isukkarlugu malinnaaffigisarparput. Eqqumaffigissavalli Danmarkimi Europamilu pappilissanik nalilinnik niuerfiini piffissap nikinganera. Ullormi ataatsimi niuernissat kissaatigigukku Kalaallit Nunaata Kitaani nalunaaqutaq malillugu inniminniinerit tigoreersimassavarput nalunaaqutaq 11:00. Inniminniinerit kingusinnerusukkut tigugutsigu pisineq aningaaseriviup ammaffiata ulluata tulliani aatsaat isumagineqarsinnaavoq.

Taamattaaq pappilissanik nalilinnik nammineerlutit pisiniarsinnaavutit – Netbankit aqqutigalugu toqqaannartumik. Kiffartuussiffik taanna iserfigerusukkukku siunnersortit attaveqarfigissavat.