Sooq sillimmasertoqartariaqarpa?

Amerlanersatta oqaluuserissanagulu eqqarsaatigineq ajorpaat qanoq pisoqarneratigut peerutissagaluarutta qaniginerpaasavut aningaasaqarnikkut qanoq atugaqalersinnaanersut. Kisiannili tassa ilinnut qaniginerpaasannullu sillimmasiinissaq pingaaruteqartorujussuuvoq, toqussagaluaruit, nappaammit eqqorneqassagaluaruit imaluunniit sulisinnaajunnaariataassagaluaruit. Amerlanersatta namminneq aningaasatigut toqqissimanartumik atugaqarsinnaanissartik ilaquttamilluunniit toqqissisimanartumik atugaqarsinnaanissaat kissaatigisarpaat, tassalu sillimmasiinerit tamakkunatigut iluaqutaasinnaapput. Siunnersortigisartakkat attavigiuk, taassuma sillimmaseeriaatsit tungaatigut ikiorsinnaavaatit.

Nappaatit perulunnartut 

Taamatut sillimmasersimaguit nappaammik perulunnartumik eqqugaariataassagaluaruit 163.000 koruuninik tunineqassaatit. Nappaat assersuutigalgu kræftiusinnaavoq, aanaartornerusinnaavoq imaluunniit nappaatit allat inuunermut navianarsinnaasut. Aningaasat taakku allatut katsorsartinnissamut atorsinnaassavatit, imaluunniit nunani allani katsorsartissaguit aapparisat tapersersortiginiarlugu ilagerusussagukku aningaasartuutissassinnut atorsinnaassavasi. Aamma illit sulisinnaanngikkallarninni imaluunniit katsorsartinnerpit nalaani aapparpit sulinngikkallarnermini aningaasarsiorunnaarallarnerani atorneqarsinnaapput.

Inuunermut sillimmasiineq

Toqoriataassaguit ilaquttavit aningaasatigut artukkerneqannginnissaat inuunermut sillimmasiineq aqqutigalugu qulakkeersinnaavat. Sillimmasiineq taamaattoq iluaqutaassaaq assersuutigalugu ilaqqutavit maannakkut inigisassinni najugaqaannarsinnaanissaannut, taavalu aliasunnermik saniatigut aningaasatigut artukkigaanissaannik pinngitsoortitsisinnaalluni.

Inuussutissarsiorsinnaajunnaarneq

Inuussutissarsiorsinnaajunnaarnissamut sillimmasersimagaanni nappaateqaleraluaraanniluunniit, ajutooraanni sulisinnaajunnaaraanniluunniit aalajangersimasunik aningaasatigut pissarsiassaqartuarnissaq qulakkeerneqarsinnaavoq. Sillimmasersissimanerli taanna atorlugu aningaasanik pissarsiaqarsinnaalissagaanni kommunimiit siusinaartumik soraarnerussutisiaqalersinnaasutut akuerineqarsimasariaqarpoq. Aamma taamaattumik sillimmasersinnaassagaanni piumasaqaatigineqarpoq, massakkut ukiumut isertitarisartakkatit sulisitsisup soraarnerussutisiaqalernissannut akiliutigisartagai ilanngullugit ikinnerpaamik 450.000 koruuniussasut.

Siunnersortit saaffigiuk

Ullumikkut sianerlutit allagaqarlutilluunniiit siunnersortit piffisamik inniminniiffigereeruk, taava peqatigiillusi soraarnermusiassannik pilersitsinissat ilusilersinnaassavarsi, illit pisariaqartitsininnut naleqqussagaalluinnartumik.

Aallartinnerit siusissukkut isumagigukku, taava soraarninngoruit periarfissatit amerlanerulissapput.

Siunnersortit attavigiuk