Soraarnerussutisiaqarnermut tunngasut suliffeqarfimmut pisariitsunngortissinnaavagut?

Suliffeqarfiup sulisorisai atorfeqarnerminni toqqissimanartumik atugaqartissinnaagaanni ilorrisimaartuuvoq, taamaapportaaq soraarninngorunik aningaasaqarnikkut toqqissisimanartumik atugaqarnissaannut periarfissiisimagaanni. Illit suliffeqarfiutit ikiorsinnaavarput sulisorisavit soraarninngorunik aningaasaqarnermikkut sapinngisamik toqqissisimanarnerpaamik atugaqarnissaat siunertaralugu siunnersorniarlugit ataasiakkaarlugit oqaloqatiginerisigut. Oqaloqatiginninnermi isumagisassat tamaasa isumagissavagut soraarnerussutisiaqarnermullu tunngatillugu apeqqutit tamaasa akissuteqarfigalugit. Suliffeqarfiup isumagisassaa tassatuaassaaq suliffeqarfiup Qimatut Pension-imut akiliutigisartagassaasa GrønlandsBANKEN-imut akilertarnissaat.

Sulisutit qanoq ikiussavagut?

Sulisorisavit ikiussavagut massakkut aningaasaqarnermikkut inissisimanerat taavalu siunissami soraarninngortussanngorunik qanoq atugaqarsinnaanerannut tunngasut paasiuminartunngortinnerisigut. Sullitarput peqatigalugu aningaasat Qimatut Pension aqqutigalugu aningaasaliissutigineqarnissaat isumagissavarput, taamaalillutik soraarninngorunik sapinngisamik pissarsiaqarluarnissaannik periarfissaqalersillugit. Januaarip aallaqqaataa 2018 aallarnerfigalugu ukiumut 150.000 koruunit sinnerlugit isertitaqartartut soraarninngornissaminnut ileqqaartinneqartalissapput. Tamatuma kingunerisaanik sulisut aningaasat atoriaannaat ikilinerat malugissavaat. Amerlasuutigulli sullitatta aningaasaqarnikkut inissisimanerat taavalu aningaasartuutigisartagaasa misissorluarnerisigut taamatut inissisimalersoqarsinnaanera pinngitsoortinneqarsinnaasarpoq. Aamma tamakkununnga tunngasut misissornissaanni sulisorisannut ikiuunnissarput neqeroorutigerusupparput.

Sulisuit pissarsiassaat suussappat?

Sulisorisavit Qimatut Pension-imik atuinissaminnik toqqaasut pissarsissutigisassaat tassaassapput soraarninngornissaminnut aningaasaqarnikkut toqqissisimanartumik atugaqarnissartik, kiisalu sulisup nammineq ajutuussagaluaruni aningaasaqarnikkut toqqissisimanartumik atugaqarnissani, imaluunniit toqussagaluaruni qaniginerpaasami aningaasaqarnikkut toqqissisimanartumik atugaqarnissaat. Aamma soraarnerussutisiaqartarnermut tunngasunik ataatsimut isigalugit, taakkulu siunissami qanoq sunniuteqartigisinnaanersut pillugit ilisimasaqarnerulissapput. Sapinngisamik iliuuseqajaarnerugunik – utoqqalinerminni atugassatik sapinngisamik pitsaanerpaaffissaminniitsissavaat.

Siunnersortit saaffigiuk

Ullumikkut sianerlutit allagaqarlutilluunniiit siunnersortit piffisamik inniminniiffigereeruk, taava peqatigiillusi soraarnermusiassannik pilersitsinissat ilusilersinnaassavarsi, illit pisariaqartitsininnut naleqqussagaalluinnartumik.

Aallartinnerit siusissukkut isumagigukku, taava soraarninngoruit periarfissatit amerlanerulissapput.

Siunnersortit attavigiuk