GrønlandsBANKEN-ip Inuussutissarsiornermi aningaasaateqarfiup Aallartisaasunut akissarsiaritittagaa 2023

GrønlandsBANKEN-ip Inuussutissarsiornermi aningaasaateqarfiata ullumikkut aningaasaateqarfiup aallartisaasunut akissarsiaritittagaa Pipaluk Nielsen aamma Anne Mette Koustrup Nielsen, INUACARE ApS, Qaqortumut tunniuppaa.

Inuussutissarsiornermi aningaasaateqarfiup ukiuni arlalinni inunnut imaluunniit suliffeqarfinnut, sulinerminni immikkut piumassuseqqortuunut, kajumissusilinnut aamma malunnartumik suliniuteqartunut aallartisaasunut akissarsiaritittakkani tunniuttarpaa – piffissallu ingerlanerani Kalaallit Nunaanni sumiiffinni assigiinngitsunit kiisalu inuussutissarsiorfinni assigiinngitsunit akissarsititsisoqartarnikuuvoq.

Inuussutissarsiornermi aningaasaateqarfiup siulersuisuisa Aallartisaasunut akissarsiassaq 2023-mi Pipaluk Nielsen aamma Anne Mette Koustrup Nielsen-imut, Qaqortumi INUACARE ApS-imik ingerlatsisunut tunniutissallugu aalajangiussimavaat.

Akissarsiaritittakkamik tunniussinermi aningaasat kr. 25.000-it ilanngullugit tunniunneqartarput.

GrønlandsBANKEN-imi Inuussutissarsiornermi aningaasaateqarfimmi siulittaasup, Kristian Lennertip toqqaaneq ima tunngavilersorpaa:

”Pipaluk aamma Anne Mette suliffeqarfimminnit INUACARE-mit amerissaatinik Kalaallit Nunaanneersunik pilersitsinikuupput, issittumi naasunik akoqartunik, Kalaallit Nunaanni qaqqani nammineq katersukkanik kingornalu laboratoriami nammineq suliarineqartunik.

INUACARE pillugu oqaluttuami aallartisaanermi suliniuteqarnermik takutitsisoqarpoq, piginnittut marluk pinngortitami naasunik katersinermut tunngatillugu, aammali plastikkinik atoqqitanik, puussanik kiisalu atoqqitanik meqqinik atoqqitanik puussanik ineriartortitsinermik piujuartitsinermik ukkatarilersitsillutik.

Pipaluk aamma Anne Mette kissaatigaat naasut amerissaatini iluaqutissatut sunniutai paasiniassallugit amerissaatinik industriip unammillerlugulu ineriartortinnissaa, taamaasillutik ilippanaatit siammasinnerusumik ilisimaneqalersitsikkusullugit.

Ilaqutariit suliffeqarfiutaat 2014-imili aallartimmat annertuumik ineriartortoqarpoq. Pipaluk aamma Anne Mettep takutippaat, aallartisaasuullutik pikkorissut, ineriartornermut, nittarsaassinermut kiisalu tuniniaaffissanik nutaanik nassaartornermut annertuumik isumassarsiorsinnaallutik.

Suliffeqarfiat Kalaallit Nunaanni aallartisaasunut allanut isumassarsiorfiusinnaalluarpoq, kiisalu Inuussutissarsiornermi aningaasaateqarfiup akissarsiaritittagaanik 2023-mi tunniussinikkut aqqutissanik nutaanik ujartuisarnerup kiisalu nioqqutissat silarsuarmut siammarnissaannut sulinerup pitsaasup ingerlatiinnarnissaa kajumissaatigerusupparput.”

Akissarsiarititaq GrønlandsBANKEN-ip Inuussutissarsiornermi aningaasaateqarfiani siulittaasoq Kristian Lennert sinnerlugu GrønlandsBANKEN-ip pisortaanit, Martin Kviesgaardimit tunniunneqarpoq.

Paasissutissat annertunerusut uani pissarsiarineqarsinnaapput: Siulersuisunut siulittaasoq Kristian Lennert, mobil 55 83 84.