Nuuk Golfklubimi Andreas Kold Larsen arsaaraq ataasiarluni periarnermini ikillugu tupaallappoq. Arsaararli allamut saaqqaarpoq. 

Nuuk Golfklubi golfertitsimmat Andreas Kold Larsen aqqusaarpoq tassanili nalinginnaanngitsumik pisoqarpoq.

“Periarama takissusaa ajunngilluinnartoq takusinnaavara kisiannili aallariarnera equngalluni,” Andreas illariaataa oqarpoq nangillunilu. “Nipituumik oqaasipiluppunga takullugulu qunnersuarmut nakkartoq. Arsaaqqap takanani ujaratuaq eqqorpaa uteriarlunilu. Arsaaqqap erfalasoq eqqoraa tusaavarput kisianni nalullugu putumut ikisimanersoq.” Andreas oqaluttuarpoq. 

Arlallit ilagalugit putoq takusarpaa. “Tunuanut arlaannut tammarsimasinnaagaluarpoq.” Andreas oqarpoq. Assani putup iluanut pulasippaa arsaararlu nuisillugu, taamaasilluni equngalaartumik periarnermini Nuuk Golfklubbip oqaluttuassartaani sisamassaanertumik “hole in one”-rluni. 

"Putumut pulasimasoq paasillugu pissittaarlutalu eqippugut," Andreas saamaqaluni naggasiivoq. 

Tassunga atatillugu Andreas GrønlandsBANKENi aningaasaliisoralugu 10.000 kronimik checkinnappoq. 

Aningaasat martsimi Malagamut golferiarnermi nukappissat nuannisarnissaannut atorneqassapput.